Palicejski, jaki zastreliŭ padletka ŭ Fierhiusanie, padaŭ u adstaŭku
Palicejski Daren Uiłsan, jaki zastreliŭ ŭ žniŭni čarnaskuraha junaka Majkła Braŭna, padaŭ u adstaŭku. Pra heta raspavioŭ advakat Uiłsana Nił Bruntrahier.
Śmierć Braŭna pryviała da masavych akcyj pratestu i biesparadkaŭ u Fierhiusanie (štat Missury) i inšych haradach ZŠA.
Paśla taho jak vialikaje žury prysiažnych admoviłasia vyłučać suprać Ŭiłsana abvinavačvańni, na praciahu niekalkich dzion u horadzie Fierhiusan, dzie žyŭ Majkł Braŭn, a taksama ŭ inšych haradach ZŠA adbyvalisia biesparadki, jakija supravadžalisia aktami vandalizmu i maradziorstva.
Sam palicejski Daren Uiłsan, jaki zastreliŭ Majkła Braŭna ŭ žniŭni, zajaŭlaŭ, što zrabiŭ heta ŭ paradku samaabarony i što sumleńnie jaho čystaje.
Jon skazaŭ, što Braŭn šturchnuŭ jaho ŭnutr mašyny i ŭdaryŭ jaho, paśla čaho ŭchapiŭsia za jaho pistalet. Palicejski śćviardžaje, što bajaŭsia za svajo žyćcio.
U svaju čarhu tyja, chto ličyć palicejskaha vinavatym u zabojstvie, śćviardžajuć, što Braŭn sprabavaŭ zdacca, ale jaho zastrelili. Niekatoryja śviedki skazali, što jon padniaŭ ruki ŭvierch.