Masavaja hibiel varon adznačana ŭ centry Pinska
U histaryčnym centry Pinska praktyčna na kožnym kroku lažać miortvyja varony, piša media-polesye.by. U pryvatnaści, na vulicy Lenina ptuški lažać i na darozie, i na tratuarach. Kučy dochłych varon lažać pad jełkami i kustami jadłoŭcu ŭ skvierach la pomnika Viery Charužaj i kala steły voinam-vyzvalicielam.
Pa słovach pinčukoŭ, ptuški niečakana padajuć z drevaŭ na ziamlu i niekalki chvilin bjucca ŭ kanvulsijach.
Miarkujuć, što ptušak atrucili. Na karyść hetaj viersii śviedčać kavałki čornaha chleba zialonaha adcieńnia. Niechta staranna raskłaŭ ich pad adnym z drevaŭ. Papiarednija niekalki dzion ptuški ablubavali niekalki drevaŭ pa vulicy Lenina i šumnymi zhrajami kružyli nad imi, zabrudžvajučy terytoryju.