Pasolstva Polščy ŭ Biełarusi z 29 studzienia 2015 hoda ŭvodzić bijamietryčnyja vizy
Pra heta paviedamiła pres-sakratar pasolstva Polščy ŭ Minsku Hanna Dzierska.
Fota holiday.by.
Zhodna z novymi praviłami, dla atrymańnia šenhienskaj vizy nieabchodna budzie zdać adbitki palcaŭ z abiedźviuch ruk.
«Zdavać adbitki palcaŭ kožny raz pry padačy dakumientaŭ nie treba budzie. Jany buduć zdymacca adzin raz u 59 miesiacaŭ», — rastłumačyła Hanna Dzierska.
Pres-sakratar pasolstva taksama źviarnuła ŭvahu, što z uviadzieńniem bijamietryčnych viz žadajučyja atrymać šenhien pavinny buduć źjavicca ŭ pasolstva asabista.
«Kožny pavinien budzie asabista zdać adbitki palcaŭ u konsulskim adździele. Pry hetym nie važna, ci zdajucca dakumienty praz turfirmu abo samastojna».
U dziaciej va ŭzroście da 12 hadoŭ adbitki palcaŭ zdymacca nie buduć.
Akramia taho, ciapier prapracoŭvajecca pytańnie ab adkryćci ŭ 2015 hodzie ŭ Biełarusi polskich vizavych centraŭ. Hanna Dzierska adznačyła, što samaja aktualnaja infarmacyja adnosna pracesu vydačy viz budzie pradstaŭlena na sajcie pasolstva Polščy ŭ Biełarusi.