Parłamient Francyi pryznaŭ Paleścinu
Deputaty Nacyjanalnaha schodu Francyi prahałasavali za pryznańnie Paleścinskaj dziaržavy. 339 deputataŭ vykazalisia «za» i 151 - «suprać».
Takim čynam, parłamientaryi zaklikali ŭrad Francyi pryznać paleścinskuju dziaržavu.
Ministr zamiežnych spraŭ krainy Łaran Fabius zajaviŭ, što Francyja ŭ adnabakovym paradku pryznaje Paleścinu, kali novyja pieramovy, zapłanavanyja na bližejšyja dva hady, zavieršacca biezvynikova.
U zajavie izrailskaha pasolstva ŭ Paryžy havorycca, što rašeńnie francuzskaha parłamienta nakiravała niapravilny sihnał narodu ŭ hetym rehijonie i źjaŭlajecca pieraškodaj dla dasiahnieńnia mirnaha pahadnieńnia.
Raniej Šviecyja ŭžo pryznała Paleścinu, a brytanski i ispanski parłamienty zaklikali svaje ŭrady zrabić toje ž.