U Breście na 17-hadovaha futbolnaha zaŭziatara napali z nažom
U Breście hrupa chulihanaŭ źbiła 17-hadovaha junaka — futbolnaha zaŭziatara.
Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, 7 śniežnia prykładna ŭ 19.40 u adnym ź mikrarajonaŭ horada da junaka, što stajaŭ na prypynku hramadskaha transpartu, padyšli siamiora chłopcaŭ va ŭzroście ad 15 da 19 hadoŭ. U ich liku byli navučency škoł i prafiesijna-techničnych navučalnych ustanoŭ Bresta, samy starejšy pracuje hruzčykam.
Kampanija pacikaviłasia futbolnymi pieravahami 17-hadovaha junaka, a zatym prapanavała prajści za prypynak dla «razmovy». Tam jaho spačatku źbili kułakami i nahami, paśla čaho nanieśli ŭdary nažom.
Paciarpieły ź ciažkimi cialesnymi paškodžańniami špitalizavany ŭ adnu z bresckich balnic.
Bresckim mižrajonnym adździełam Śledčaha kamiteta raspačata sprava na padstavie č. 3 art. 339 KK (asablia złosnaje chulihanstva). Usie padazronyja zatrymanyja. Pravodziacca nieadkładnyja śledčyja i inšyja pracesualnyja dziejańni dla ŭstanaŭleńnia ŭsich akaličnaściaŭ zdareńnia, u tym liku prynaležnaść padazronych da niefarmalnych abjadnańniaŭ.
Paciarpieły i padazronyja nie byli znajomyja. Paciarpieły junak vučycca ŭ adnoj z ustanoŭ adukacyi horada.