Parašenka zaklikaŭ Rasiju zakryć miažu i vyvieści vojski
Prezident Ukrainy Piatro Parašenka, jaki znachodzicca ź vizitam u Aŭstralii, źviarnuŭsia da rasijskich uładaŭ z zaklikam vyvieści vojski z terytoryi Ukrainy i zakryć rasijska-ŭkrainskuju miažu.
«Kali łaska, vyviedzicie vojski z majoj terytoryi. … Kali łaska, začynicie miažu. I ja abiacaju, što kali vy začynicie miažu, to na praciahu adnaho, dvuch, troch tydniaŭ va Ukrainie zapanujuć mir i stabilnaść. Usio vielmi prosta», — skazaŭ Parašenka na sumiesnaj pres-kanfierencyi z premjer-ministram Aŭstralii Toni Ebatam.
Ułady Aŭstralii taksama prapanavali pastaŭlać va Ukrainu ŭran i vuhal, kab źnizić zaležnaść Kijeva ad pastavak enierharesursaŭ z Rasii.
Premjer-ministr Aŭstralii Toni Ebat pravioŭ pieramovy z Parašenkam u čaćvier u Sidnei.
«Aŭstralija — enierhietyčnaja supierdziaržava, a enierhietyčnaja biaśpieka vielmi važnaja dla Ukrainy, asabliva ŭličvajučy ciapierašniuju niestabilnaść pastavak», - zajaviŭ Ebat.