Łukašenka — pra pastaŭki charčavańnia: Chacieŭ by paraić razumnym rasijskim palitołaham…
Pryčynu kanfliktnaj situacyi z abmiežavańniem pastavak charčavańnia ŭ Rasiju treba šukać nie ŭ Biełarusi.
Ab hetym zajaviŭ Alaksandr Łukašenka siońnia na naradzie pa aktualnych pytańniach raźvićcia ekanomiki.
«Kali vy zaŭvažyli, u tych ža rasijskich srodkach masavaj infarmacyi znoŭ pačynajucca paproki ŭ naš adras, i asabliva ŭ moj, što voś Łukašenka davodzić situacyju da samaha vierchu. Pavinien skazać, što hetyja prykormlenyja palitołahi i žurnalisty (ad ich čakać naohuł niama čaho) drenna słuchali taho ž Łukašenku, kali ŭ paprok svajmu ŭradu ja pastaviŭ roŭna toje, što prablemu vyvieli na samy vysoki ŭzrovień», — skazaŭ kiraŭnik dziaržavy.
«Chaču padkreślić, što nam absalutna nie treba vyvodzić ni na jakija ŭzroŭni tuju ci inšuju prablemu ŭzajemaadnosin, asabliva z Rasijskaj Fiederacyjaj. Bo heta nam prosta niavyhadna, nam heta nie treba. I samaje hałoŭnaje — nie my byli pryčynaj takoha kanfliktu, — adznačyŭ kiraŭnik dziaržavy. — Bo ŭsie etapy byli projdzieny, pačynajučy ad pieramovaŭ ź piatrovymi, ivanovymi, dankviertami, z uradam Rasijskaj Fiederacyi, nu, apošniaja ŭžo prystupku — prezidenty».
«Tamu paprakać biełarusaŭ niama čaho ŭ tym, što hety skandał, kali jaho možna tak nazvać, vyliŭsia. Ale heta nie pieršy raz», - skazaŭ Łukašenka.
«Ja chacieŭ by paraić razumnym rasijskim palitołaham i žurnalistam šukać pryčynu nie ŭ Biełarusi, a šukać jaje niedzie tam, u Maskvie. Ale heta ich prablema», - skazaŭ kiraŭnik dziaržavy.
Łukašenka, źviartajučysia da ŭrada, adznačyŭ, što chacieŭ by pačuć, jak vykonvajecca jaho rasparadžeńnie ab vyrašeńni hetaj situacyi, a taksama nakolki byli abhruntavanyja ustanoŭlenyja rasiejskim bokam abmiežavańni. «Dla taho, kab mieć bolš hrošaj i zołatavalutnych reziervaŭ, treba bolš pradavać i mienš kuplać. Heta prostaja formuła, ale dla nas jana vielmi važnaja», — skazaŭ kiraŭnik dziaržavy. Jon adznačyŭ, što ŭ suviazi z hetym chacieŭ by pačuć infarmacyju ab situacyi na rasijskim rynku ŭ suviazi z devalvacyjaj rubla. Akramia taho, Łukašenka pacikaviŭsia padrabiaznaściami jaki adbyŭsia napiaredadni pasiadžeńnia Savieta JEEK, pryniatymi na im rašeńniami, ich realizacyjaj.