Aleha Korbana aryštavali na 10 sutak
Jak paviedamiła Volha Burnievič, kiraŭnika hramadskaha abjadnańnia «Alternatyva» (zarehistravana ŭ Łatvii) Aleha Korbana siońnia vyklikali ŭ Partyzanskaje RUUS Minska. Nibyta padpisać niejkija dakumienty. Kali Korban pryjechaŭ, jaho adpravili na 10 sutak administracyjnaha aryštu. Pa słovach Volhi, heta pakarańnie za vyviešvańnie bieł-čyrvona-biełaha ściaha ŭ Dziaržynsku ŭ lipieni. U žniŭni Aleha sudzili, ale na sutki tady tak i nie adpravili.