Minhandlu začyniła siem mahazinaŭ «Elektrasiła» i «5 elemient»
U Biełarusi za parušeńni zakanadaŭstva ab handlu Ministerstva handlu prypyniła pracu siami sietkavych mahazinaŭ «Elektrasiła» (u Minsku, Pinsku, Maładziečnie, Mazyry) i «5 elemient» (u Homieli, Vaŭkavysku, Słonimie).
Jak paviedamili ŭ Minhandli, rašeńni zaćvierdžany pieršym namieśnikam ministra handlu Arturam Karpovičam ŭ adpaviednaści z ukazam prezidenta Biełarusi ad 5 śniežnia № 567.
Pavodle dadzienych Minhandlu, było pravierana 27 kram dadzienych sietak i parušeńni byli vyjaŭlenyja ŭ kožnym handlovym abjekcie z pravieranych. Kramy realizujuć u asnoŭnym impartnuju bytavuju techniku i spadarožnyja tavary.
U niekatorych ź ich ustanoŭlenyja fakty padmanu spažyŭcoŭ, nievykanańnia asartymientnych pieralikaŭ. taksama byli vyjaŭlenyja takija parušeńni, jak realizacyja tavaraŭ sa skončanym terminam prydatnaści (myjnyja srodki, kartrydžy, srodki dla čystki i inšyja), adsutnaść ceńnikaŭ, infarmacyi ab tavarach na biełaruskaj abo ruskaj movach, ab krainie ich pachodžańnia, anatacyj z asnoŭnymi techničnymi charaktarystykami i h.d, rastłumačyli ŭ Minhandli.