Palicyjanty ŭ Maskvie źbili piešachoda i ŭciakli
U Maskvie ŭ noč na 13 śniežnia palicyjanty na aŭtamabili Mitsubishi Pajero źbili piešachoda i ŭciakli, paviedamlajuć rasijskija ŚMI. 68-hadovy paciarpieły ŭ vyniku DTZ skanaŭ.
Dla pošukaŭ złamyśnikaŭ, jakija ŭciakli ź miesca DTZ, byŭ uviedzieny płan «Pierachop», ich znajšli za paŭhadziny.
Paviedamlajecca taksama, što piešachod sprabavaŭ pierasiekčy darohu ŭ nieŭstalavanym miescy. Pa niekatorych dadzienych, mužčyna vyjšaŭ z taksi i adrazu trapiŭ pad koły Mitsubishi Pajero, za rulom jakoha znachodziŭsia supracoŭnik palicyi, a ŭ sałonie ŭ jakaści pasažyraŭ — jaho kalehi, padpałkoŭnik i major palicyi. Jany byli ŭ słužbovaj vopratcy.
Pa słovach pradstaŭnika HU MUS RF pa Maskvie, usie troje byli nakiravanyja na miedycynski ahlad. Paśla pravierki incydentu pryniata rašeńnie zvolnić dadzienych supracoŭnikaŭ z orhanaŭ unutranych spraŭ «pa admoŭnych matyvach». Taksama jany buduć pryciahnutyja da adkaznaści ŭ adpaviednaści z zakanadaŭstvam, a ich načalstva — da strohaj dyscyplinarnaj adkaznaści