Były prakuror Pietrykaŭskaha rajona padazrajecca ŭ niezakonnaj łoŭli ryby
Kryminalnaja sprava, raspačataja Hienieralnym prakuroram Respubliki Biełaruś u dačynieńni da byłoha prakurora Pietrykaŭskaha rajona Homielskaha vobłaści, rasśledujecca Śledčym kamitetam, paviedamiła ŭ svaim facebook pradstaŭnik Śledčaha kamiteta Julija Hančarova.
Dziejańni padazravanaha kvalifikavanyja pa č. 4 art. 281 (Niezakonnaja zdabyča ryby). U jakaści padazravanych pa spravie pryciahnuty dźvie asoby. Pravodziacca śledčyja dziejańni.