U kijoskach «Chutka-smačna» zabaroniać handlavać pivam i słabaałkaholnymi napojami
Sietkam kijoskaŭ chutkaha charčavańnia «Chutka-smačna» minskija ŭłady zabaroniać handlavać śpirtnym, u tym liku pivam i słabaałkaholnymi napojami.
Pra heta siońnia išła razmova na apieratyŭnaj naradzie ŭ Minskim haradskim vykanaŭčym kamitecie.
Načalnik HUUS Minharvykankama Alaksandr Barsukoŭ paviedamiŭ, što, zhodna z daručeńniem staršyni Minharvykankama na minułym tydni supracoŭniki ŭpraŭleńnia ŭnutranych spraŭ praanalizavali situacyju pa kropkach hramadskaha charčavańnia «Chutka-smačna».
Było vyjaŭlena niekalki parušeńniaŭ, jakija tyčacca realizacyi śpirtnych napojaŭ u načny čas. Na dumku načalnika HUUS, nieabchodna całkam zabaranić prodaž śpirtnych napojaŭ u hetych ustanovach. Jak praviła, hetyja kropki hramadskaha charčavańnia znachodziacca pobač z prypynkami hramadskaha transpartu, u tym liku kancavymi. Usiaho ŭ horadzie ich naličvajecca 13.
«My nieadnarazova pisali dakładnyja zapiski jašče papiaredniamu kiraŭniku Minharvykankama pa pracy hetaj sietki chutkaha charčavańnia, ale ŭdałosia tolki abmiežavać režym ich pracy, — adznačyŭ A. Barsukoŭ.
— Na žal, handal śpirtnym, u tym liku prodaž jaho niepaŭnaletnim, tut praciahvajecca. Niahledziačy na ŭsie prykładzienyja namahańni, istotnych źmienaŭ situacyi nie vidać».
Pavodle jaho słoŭ, hetyja kropki jak mahnit pryciahvajuć hramadzian, schilnych da ździajśnieńnia jak administracyjnych, tak i kryminalna karalnych dziejańniaŭ. Tak, sioleta pobač z nazvanymi kijoskami zarehistravanyja try fakty naniasieńnia ciažkich cialesnych paškodžańniaŭ. Jak praviła, paśla sumiesnaha raśpivańnia pradavanaha tut śpirtnoha sabutelniki pačynajuć vyśviatlać adnosiny pamiž saboj albo prystavać da minakoŭ.
«Hetyja kijoski jak bialmo ŭ voku horada. Heta viartańnie ŭ pačatak 1990-ch.
Naša prapanova — prybrać z prodažu sietki «Chutka-smačna» luboje śpirtnoje, pakinuŭšy tolki pradukty charčavańnia i biezałkaholnyja napoi», — reziumavaŭ A. Barsukoŭ.
Staršynia Minharvykankama Andrej Šorac pahadziŭsia z pryviedzienymi dovadami načalnika HUUS i daručyŭ padrychtavać rašeńnie Minharvykankama pra abmiežavańnie prodažu ŭ kijoskach «Chutka-smačna» piva i słabaałkaholnych napojaŭ.
U vypadku nievykanańnia patrabavańniaŭ haradskich uładaŭ buduć pryniaty bolš žorstkija miery, až da prypynieńnia pracy hetaj sietki chutkaha charčavańnia.