Udzielnikam masavych mierapryjemstvaŭ u Biełarusi zabaroniać chavać tvary
Deputaty Pałaty pradstaŭnikoŭ na pasiadžeńni 17 śniežnia pryniali ŭ druhim čytańni papraŭki ŭ niekatoryja zakony pa pytańniach arhanizacyi hramadskaj i pahraničnaj biaśpieki.
Jak paviedamiŭ namieśnik staršyni parłamienckaj kamisii pa nacyjanalnaj biaśpiecy Uładzimir Bazanaŭ, u pryvatnaści papraŭki zabaraniajuć padčas schodaŭ, mitynhaŭ, vuličnych maršaŭ, demanstracyj abo pikietaŭ ich arhanizataram i ŭdzielnikam chavać tvary, u tym liku z vykarystańniem masak abo srodkaŭ dla abciažarvańnia ŭstanaŭleńnia ich asoby.
Akramia taho, adznačyŭ Bazanaŭ, zakonaprajekt udaskanalvaje pravavoje rehulavańnie paŭnamoctvaŭ dziaržaŭnych orhanaŭ u halinie dziaržaŭnaj pahraničnaj palityki, paradku ŭjezdu (uvachodu) u punkty propusku, časovaha znachodžańnia i pieramiaščeńnia ŭ pahraničnaj zonie i pahraničnaj pałasie, režymu ŭ punktach propusku, ažyćciaŭleńnia pryhraničnaha kantrolu.
Pavodle słoŭ deputata, zakonaprajekt sadziejničaje raźvićciu zakanadaŭstva ŭ śfiery pahraničnaj palityki, a taksama arhanizacyi pahraničnaj i hramadskaj biaśpieki.