Lavon Volski: «Ludzi pavieryli ŭ lepšaje»
U 14-m tury hit-parada «Tuzina Hitoŭ» hurt N.R.M. sa svajoj novaj pieśniaj «Usio roŭna my pieramožam» atrymali absalutnuju pieramohu.
U 14-m tury hit-parada «Tuzina Hitoŭ» hurt N.R.M. sa svajoj novaj pieśniaj «Usio roŭna my pieramožam» atrymali absalutnuju pieramohu – ź pieršaha dnia hałasavańnia jany apanavali vierchniuju prystupku i ciaham tura adno tolki adryvalisia ad svaich kankurentaŭ. «Usio roŭna my pieramožam» atrymali za tur 850 hałasoŭ – rekordnuju kolkaść za ŭsiu historyju hałasavańniaŭ na «Tuzinie Hitoŭ». «Tuzin Hitoŭ» patelefanavaŭ lideru N.R.M. Lavonu Volskamu, kab pavinšavać jaho ź takoj upeŭnienaj pieramohaj...
«Biezumoŭna, mianie ŭzradavała šalonaja papularnaść našaj novaj pieśni!» - adreahavaŭ Lavon i padziakavaŭ usim tym, što za jaje hałasavaŭ. Na jahonuju dumku, pieršynstvo «Usio roŭna my pieramožam» – zakanamiernaje, lahičnaje j naturalnaje: «I sprava tut, mahčyma, nia tolki ŭ N.R.M., ale i ŭ tym, što ciapierašniaja sytuacyja supała z nastrojem pieśni».
Volski ciešycca, što hetki nastroj majuć šmat ludziej: «Mnie padajecca, što paśla ŭsich hetych padziejaŭ, ludzi nie stracili nadziejaŭ, a naadvarot - zapalilisia j pavieryli ŭ pieramohu», -- ličyć muzykant.