U Maskvie dapuščalnaja kancentracyja sieravadarodu ŭ pavietry pieravyšanaja bolš jak u šeść razoŭ
Ranicaj u niadzielu, 21 śniežnia, na paŭdniovym uschodzie Maskvy hranična dapuščalnaja kancentracyja sieravadarodu ŭ pavietry była pieravyšanaja bolš jak u šeść razoŭ, pieradaje sajt «Mosekamanitorynhu».
Fota TASS.
U rajonie stancyi mietro «Žulebina» dapuščalnaja kancentracyja pa sieravadarodu pieravyšanaja ŭ 6,69 raza. Norma taksama pieravyšanaja ŭ Lublinie ŭ 5,4 razy. U tvitery pišuć ab śpiecyfičnym pachu ŭ Lubiercach (paŭdniova-ŭschod Maskvy).
U siaredzinie listapada ŭ Maskvie byŭ zafiksavany vykid škodnych rečyvaŭ.
Proby, uziatyja 10 listapada, prademanstravali pieravyšeńnie normy ŭtrymańnia ŭ pavietry izaprapiłbienzołu, prapanalu, dyjaksidu siery i dyjaksidu azotu.
MNS i Minpryrody abvinavacili Maskoŭski NPZ. Pradstaŭniki NPZ śćviardžali, što zavod nie maje dačynieńnia da zabrudžvańnia pavietra i nie vykidvaje sieravadarod, izaprapiłbienzoł i prapanal, bo hetyja rečyvy nie vykarystoŭvajucca pry pierapracoŭcy nafty. Pradpryjemstva ŭsio ž aštrafavali na 250 tysiač ras. rubloŭ.