Łukašenka prylacieŭ u Kijeŭ
źjaviłasia fota
Fota REUTERS.
Alaksandr Łukašenka prybyŭ z rabočym vizitam va Ukrainu, pieradaje BiełTA.
U Kijevie zapłanavany jaho pieramovy ź Piatrom Parašenkam. Čakajecca, što kiraŭniki dziaržaŭ abmiarkujuć aktualnyja pytańni biełaruska-ŭkrainskaha paradku dnia, a taksama mižnarodnaj tematyki.
Alaksandr Łukašenka raniej zajaviŭ, što Piotr Parašenka paprasiŭ jaho ab sustrečy. Pry hetym Łukašenka vykazaŭsia za nieabchodnaść dyjałohu z metaj vyrašeńnia kanfliktu na paŭdniovym uschodzie Ukrainy.
Samalot Łukašienki u kijeŭskim aeraporcie Baryspal / twitter
Pres-słužba prezidenta Ukrainy paviedamlaje taksama, što Piotr Parašenka zaprasiŭ Nursułtana Nazarbajeva naviedać Ukrainu ź vizitam u paniadziełak.
Prezident Kazachstana pryniaŭ zaprašeńnie, adznačyŭšy, što heta stanie mahčymaściu abmierkavać šyroki śpiektr pytańniaŭ dvuchbakovych adnosinaŭ, u pryvatnaści ekanamičnaje supracoŭnictva i handlovyja adnosiny.
Parašenka ličyć vizity prezidentaŭ Kazachstana i Biełarusi svoječasovymi, važnymi i simvaličnymi.