Z 1 studzienia za paśviedčańnie kiroŭcy možna budzie zapłacić praz ARIP
Z 1 studzienia 2015 hoda MUS i Nacyjanalny bank Biełarusi padklučajuć da sistemy «Raźlik» Adzinaj raźlikovaj i infarmacyjnaj prastory (ARIP) apłatu pasłuh pa vydačy paśviedčańniaŭ kiroŭcy i rehistracyi transpartnych srodkaŭ, što akazvajucca rehistracyjna-ekzamienacyjnymi padraździaleńniami DAI HUUS Minharvykankama i UUS Minabłvykankama.
Ab hetym paviedamili ŭ pres-słužbie UDAI MUS.
Z 1 studzienia apłata moža pravodzicca praz płaciežna-daviedačny terminał, infakijosk, internet-bankinh, mabilny bankinh, bankamat, kasy banka i inšych punktaŭ bankaŭskaha absłuhoŭvańnia, padklučanyja da sistemy «Raźlik» ARIP.
Dla ŭniasieńnia płaciažoŭ pa pasłuhach, što akazvajucca rehistracyjna-ekzamienacyjnymi padraździaleńniami, u drevie sistemy «Raźlik» płacielščyku nieabchodna dla apłaty pasłuh DAI HUUS Minharvykankama vybrać raździeł «h. Minsk», a dla DAI UUS Minabłvykankama paśladoŭna vybrać raździeły «Minskaja vobłaść» — «Minski rajon». Zatym pierajści paśladoŭna pa nastupnych układkach: «MUS» — «DAI» — «Paśviedčańnie kiroŭcy» abo «Rehistracyja transpartu» i vybrać nieabchodnuju pasłuhu. Paśla treba ŭvieści identyfikacyjny (asabisty) numar, paznačany ŭ pašparcie abo paśviedčańni na prava žycharstva płacielščyka. Dalej źvieryć pravilnaść imia i imia pa baćku płacielščyka, što źjaviłasia na ekranie, i sumu płaciažu, adlustravanuju na ekranie, i ažyćciavić płaciež.
U vypadku adsutnaści infarmacyi ab asabistym numary (datyčycca zamiežnych hramadzian i asob biez hramadzianstva) pry apłacie treba ŭvodzić kod «625611», paśla čaho spatrebicca ŭvieści proźvišča, imia, imia pa baćku płacielščyka. U jakaści paćviardžeńnia ažyćciaŭleńnia płaciažu ŭ sistemie «Raźlik» hramadzianinu pry padačy adpaviednych dakumientaŭ nieabchodna pradjavić supracoŭniku DAI numar apieracyi ŭ ARIP abo paviedamić svoj identyfikacyjny (asabisty) numar.
U raździele «Paśviedčańnie kiroŭcy» možna apłacić kampjutarnyja pasłuhi, afarmleńnie zajavy, vydaču paśviedčańnia i tałona, tearetyčny i praktyčny ekzamieny i inšyja pasłuhi. U raździele «Rehistracyja transpartu» pravodzicca apłata kampjutarnych pasłuh, afarmleńnia zajavy, rehistracyi transpartnaha srodku, vydačy tranzitu, zamieny numara aŭtamabila, vyrabu numaroŭ i inšyja pasłuhi.
U pačatku 2015 hoda płanujecca raspaŭsiudzić hety sposab apłaty pasłuh va ŭsich rehistracyjna-ekzamienacyjnych padraździaleńniach DAI respubliki.