Kemieran Dyjas vyjšła zamuž
Halivudskaja aktryca Kemieran Dyjas u paniadziełak vyjšła zamuž za hitarysta i bek-vakalista hurtu Good Charlotte Bendžy Miedena.
Cyrymonija šlubu prajšła ŭ Bievierli-Chiłz na terytoryi asabniaka Dyjas, u jakim pražyvaje zornaja para. Siarod zaprošanych byli takija znakamitaści, jak Ryz Uizerspun i Hviniet Pełtroŭ. Siabroŭkami niaviesty stali Nikol Ryčy, Dru Berymor i siastra Kemieran — Čymien.
«Kemieran Dyjas i Bendžy Mieden ustupili ŭ šlub siońnia ŭviečary na zakrytaj cyrymonii ŭ svaim domie ŭ Łos-Andželesie», — paviedamiŭ adzin z reparcioraŭ časopisa People.
Jak paviedamlaje vydańnie, rašeńnie ŭstupić u šlub było pryniata Dyjas i Miedenam u śniežni minułaha hoda. Da hetaha para była ŭ blizkich adnosinach ciaham siami miesiacaŭ. Hety šlub stanie pieršym dla 42-hadovaj aktrysy i 35-hadovaha muzyki.