Novym biełaruskim abanientam suviazi zabaroniena rassyłać rekłamu bieź piśmovaj zhody
U praviły akazańnia pasłuh elektrasuviazi ŭniesienyja źmieny: apieratary sotavaj suviazi musiać mieć piśmovuju zhodu abanienta na atrymańnie im infarmacyjnych rassyłak.
Fota z sajta tek.no
Pavodle novych pravił, apieratary elektrasuviazi musiać składać bazy źviestak ab abanientach i pasłuhach, što im akazvajucca. Bazy mohuć utrymlivać imia fizičnaj asoby ci najmieńnie jurydyčnaj asoby, adras, abanienckija numary i źviestki dla identyfikacyi abanienta i jaho kaniečnaj pryłady.
Hetyja bazy mohuć vykarystoŭvacca dla rassyłki infarmacyjna-daviedkavaha charaktaru, u tym liku rekłamy svaich pasłuh («uviedzieny novy taryfny płan», «u prodažy novy smartfon» i h.d.).
Kab unieści abanienta ŭ hetkuju bazu, z 9 studzienia 2015 hoda treba atrymać piśmovuju zhodu abanienta. Tym abanientam, što ŭniesienyja ŭ bazu raniej, možna «vynieści» siabie z bazy praź piśmovuju zajavu da apieratara.
Vierahodna, dazvoł na vykarystańnie budzie prapisany ŭ kantrakcie, što abonient zaklučaje z apierataram. Podpis pad kantraktam moža być toj samaj piśmovaj zhodaj. Padobnym čynam abanientam MTS i velcom padklučajecca hałasavaja pošta, jakaja dla niekatorych moža być niepažadanaj pasłuhaj. Uvažliva čytajcie damovy.
Čytajcie taksama:
Jak adklučyć rekłamnyja SMS-rassyłki ad apierataraŭ