Trolinh pa-mahiloŭsku: žychary horada prapanujuć pavialičyć prezidencki termin da 25 hadoŭ
Sorak siem žycharoŭ Mahilova nakiravali ŭ parłamient zvarot z prośbaj pavialičyć termin nastupnaj prezidenckaj kadencyi Alaksandra Łukašenki z 5 da 25 hadoŭ.
Hramadzianie prosiać deputataŭ terminova ŭnieści adpaviednyja źmianieńni ŭ artykuł Kanstytucyi, jaki tyčycca terminaŭ paŭnamoctvaŭ prezidenta, na padstavie taho, što dziejny kiraŭnik dziaržavy ŭžo zajaviŭ ab svaim namiery bałatavacca na piaty termin.
«U metach ekanomii biudžetnych srodkaŭ i za vydatnyja zasłuhi pierad biełaruskim narodam i ŭsim čałaviectvam» padpisanty zvarotu prapanoŭvajuć
«dazvolić vybirać prezidenta RB na jubilejny termin, praindeksavaŭšy jaho z ulikam devalvacyi-inflacyi, ź piaci hadoŭ da piaci hadoŭ u druhoj stupieni».
Vybary prezidenta na bolš praciahłuju kadencyju žychary Mahilova bačać nieabchodnym pravodzić na asnovie ŭsieahulnaha poŭnaha i pramoha vybarčaha prava pry tajnym hałasavańni pad kantrolem staršyni Centralnaj vybarčaj kamisii Lidzii Jarmošynaj.
Anałahičny list nakiravany staršyni Savieta Respubliki Nacyjanalnaha schodu Michaiłu Miaśnikoviču.
Inicyjataram zvarotu vystupiŭ viadomy aktyvist niezaležnaha prafsajuza REP z Mahilova Alaksiej Paŭłoŭski.