U Rasii školniki 9 i 11 hadoŭ ŭčynili pahrom na mohiłkach
Dvoje školnikaŭ 9 i 11 hadoŭ u navahodnija śviaty paškodzili bolš za dziesiatak mahił na mohiłkach vioski Vialikaviečnaje ŭ Krasnadarskim krai.
23.mvd.ru
Ab hetym paviedamlajecca na sajcie HU MUS pa Krasnadarskim krai.
Pavodle dadzienych pravaachoŭnych orhanaŭ, dvoje chłopčykaŭ časta byvali na sielskich mohiłkach. Tam jany źbirali i jeli pakinutyja na mahiłach prysmaki. U navahodnija śviaty školniki znoŭ pryjšli na pahost, zachapiŭšy z saboj małatok. Sprabujučy vyśvietlić, chto ź ich macniejšy, dzieci raźbili mahilnyja plity i stoliki.
Adznačajecca, što asoby vandałaŭ atrymałasia vyjavić pa šmatlikich śladach ad dziciačaha abutku.
Usiaho ad žycharoŭ vioski pastupiła 11 zajaŭ.
U palicyi adznačajuć, što chulihany paźbiehnuć pakarańnia, bo nie dasiahnuli ŭzrostu pryciahnieńnia da kryminalnaj adkaznaści. Školnikaŭ pastavili na ŭlik u kamisiju pa spravach niepaŭnaletnich. Nastupstvy pahromu treba budzie za svoj košt likvidavać ich baćkam.
23.mvd.ru