U Minsku 7-hadovaja dziaŭčynka zvaliłasia ŭ kałodziež liŭnievaj kanalizacyi
Pra heta paviedamili ŭ pres-słužbie Minskaha haradskoha ŭpraŭleńnia MNS.
«Siońnia ŭ 14.38 u centr apieratyŭnaha ŭpraŭleńnia Minskaha haradskoha ŭpraŭleńnia MNS ad starejšaj siastry pastupiła paviedamleńnie pra padzieńnie jaje małodšaj siastry ŭ kałodziež liŭnievaj kanalizacyi pa vuł. Hareckaha, 55. Da miesca była nakiravana vyratavalnaja technika i bryhady chutkaj dapamohi. Ustanoŭlena, što dziaŭčynka Vieranika, 2007 naradžeńnia, vučanica 1-ha kłasa adnoj sa škoł Minska, i jaje starejšaja siastra Kaciaryna, 2001 hoda naradžeńnia, vučanica 8-ha kłasa staličnaj škoły, viartajučysia sa škoły dadomu, ubačyli chłopčykaŭ, jakija bilisia na zialonaj zonie pa vulicy Hareckaha, i pabiehli ich raźnimać», — raspaviali va ŭpraŭleńni.
Vieranika nie zaŭvažyła adkryty kałodziež (hłybinia 3 m, dyjamietr 50 sm) i zvaliłasia ŭ jaho. Rabotniki MNS z vykarystańniem žorstkich nasiłak, viaroŭki i ryštunku vyciahnuli dzicia z adkrytaha kałodzieža i pieradali bryhadzie chutkaj miedycynskaj dapamohi. Paciarpiełaja była špitalizavana z papiarednim dyjahnazam «zakryty pierałom pazvanočnika pajaśničnaj vobłaści».