Fanaty pierazapisali «niaŭdały» albom Metallica
Muzyki vykłali na Youtube hadzinny zapis vykanańnia albomu «St. Anger» u styli «staroj dobraj» Metallica.
Prajekt #STANGER2015 zładzili muzyki z hurtoŭ «Grace The Skies» i «Adust». Z dazvołu pravaŭładalnikaŭ jany vykanali ŭsie pieśni albomu «St. Anger» 2003 hoda na «zvyčajny» manier Metallica.
«Zapisany ŭ «turbulentny» čas historyi hurta, albom zaŭsiody vyklikaŭ sprečki. Niekatorych starych fanataŭ spužali panižany ład hitar i syry pradakšn», – tłumačać muzyki ŭ apisańni da videa. Pavodle ich słoŭ, inšych (u tym liku vykanaŭcaŭ kaveraŭ) zapis zachapiŭ.
Apošni na siońnia i nie mieniej sprečny albom Metallica muzyki nazyvajuć vydatnym.
Albom «St. Anger» byŭ skaročany na 15 chvilin, ale ŭtrymlivaje kožnaje słova i kožny ryf aryhinału. Aŭtary nie dadali nivodnaha soła, bo chacieli zachavać pieśni całkam, adno «pryvieści ŭ paradak» sprečny zapis.
U kamientarach nazirajecca adno pazityŭnaja reakcyja na zapis. «Kali b albom hučaŭ tak pieršapačatkova, jon lohka ŭvajšoŭ by ŭ top-3 albomaŭ Metallica», – piša adzin z kamientataraŭ. «Vy viarnuli spraviadlivaść z hetym albomam, ź jakim tak žorstka abyšlisia», – piša inšy.
Hurt nie šukaje prybytku z zapisu i nie sprabuje lubym čynam pradavać albom. Adziny sposab jaho pačuć – prasłuchać zapis na Youtube.