Kličko choča pravieści boj z Bryhsam
Čempijon śvietu ŭ supierciažkaj vazie Uładzimir Kličko nie vyklučyŭ, što jaho nastupny dvuboj moža prajści suprać amierykanskaha skandalista Šenana Bryhsa, paviedamlaje sajt aficyjnaha Fan-kłuba bratoŭ Kličko.
«Dumaju, što zaŭziatary chočuć ubačyć moj boj z Bryhsam. Ja abaviazkova chaču pravieści hety boj», — zajaviŭ Uładzimir u efiry telekanała RTL.
Skandalna viadomy Bryhs nieadnarazova pravakavaŭ Kličko svaimi vychadkami. Jon uryvaŭsia ŭ zału, dzie prachodzili treniroŭki Kličko, pieraškadžaŭ ukraincu abiedać u restaranie, zryvaŭ jaho pres-kanfierencyi… A samaj hučnaj vychadkaj amierykanca staŭ incydent, jaki adbyŭsia ŭ kastryčniku minułaha hoda ŭ Fłarydzie. Padčas treniroŭki ŭkrainca na vadzie, kali Kličko płyŭ na došcy, Bryhs źjaviŭsia na katery sa svaim pamočnikam, i, stvaryŭšy vakoł Kličko mocnyja chvali, pierakuliŭ jaho z doški ŭ vadu. Pry hetym amierykaniec kryčaŭ: «Ja čakaju ciabie na rynhu». Ukrainski baksior, apynuŭšysia ŭ vadzie, adkazaŭ frazaj: «Ty pierasiok miažu».
Pieršapačatkova Kličko pavinien byŭ vyjści na rynh u krasaviku hetaha hoda suprać amierykanca Brajanta Dženinhsa. Ale boj akazaŭsia na miažy zryvu z-za prodažu pramoŭtarskaj kampanii Gary Shaw Productions pramoŭtaram Hery Šoŭ repieru Jay-Z.
Boj Uładzimira Kličko papiarednie namiečany na 25 krasavika i pavinien adbycca ŭ Ńju-Jorku.