Łukašenka: Biełaruś budzie metanakiravana iści na narmalizacyju adnosinaŭ z Zachadam
Biełaruś budzie metanakiravana iści na narmalizacyju stasunkaŭ z Zachadam.
Ab hetym zajaviŭ Alaksandr Łukašenka, vystupajučy 15 studzienia na pasiadžeńni šostaj pazačarhovaj siesii pałaty pradstaŭnikoŭ.
Taksama Łukašenka skazaŭ, što Biełaruś, ustalavaŭšy šmatfarmatnyja adnosiny z Rasijskaj Fiederacyj, praciahnie supracoŭnictva ź joj jak ź vielmi blizkaj, brackaj dziaržavaj.
Kiraŭnik dziaržavy adznačyŭ, što razam z praciaham supracoŭnictva z Rasijaj Biełaruś budzie imknucca da narmalizacyi adnosinaŭ z krainami Jeŭrasajuza i ZŠA.
Jon źviarnuŭ uvahu na toj fakt, što ŭ Biełarusi vialikaja tavarazvarot ź jeŭrapiejskimi krainami i Amierykaj.
«Čamu my nie pavinny supracoŭničać ź imi? Adnosiny ź imi ŭ nas niekalki inšyja. Ale my pavinny ich vybudoŭvać. Niachaj nichto nie napružvajecca ni ŭ nas, ni ŭ Rasii z nahody taho, što Biełaruś budzie nastojliva iści da narmalizacyi adnosin ź ES i ZŠA», — skazaŭ Łukašenka.
Razam z tym jon vykazaŭ razumieńnie z nahody taho, što zamiežnyja dziaržavy čakajuć, jak projduć prezidenckija vybary ŭ Biełarusi. Łukašenka padkreśliŭ, što prezidenckija vybary projduć sumlenna, na asnovie Kanstytucyi.