U Murmanskaj vobłaści zabaranili prakat «Levijafana»
Ułady Murmanskaj vobłaści zabaranili prakat filma režysiora Andreja Źviahincava «Levijafan».
Pra heta ŭ čaćvier, 15 studzienia, paviedamlaje ahienctva FlashNord.
«Rašeńnie ab zabaronie prakatu filma pryniała Maryna Vasiljeŭna [hubiernatar Murmanskaj vobłaści Maryna Koŭtun]. Hubiernatar zastałasia niezadavolenaja, jak u filmie pakazany žychary Poŭnačy», — raspaviała ahienctvu krynica va ŭradzie vobłaści.
Surazmoŭca taksama raspavioŭ, što rekamiendacyju ŭ vusnaj formie ab admovie prakatu filma atrymali ŭsie kampanii, jakija vałodajuć kinateatrami ŭ Murmanskaj vobłaści.
Pres-sakratar Koŭtun Dzianis Pušyn skazaŭ, u svaju čarhu, što nijakich zabaronaŭ na pakaz filma niama.
12 studzienia «Levijafan» pieramoh u naminacyi «Najlepšy zamiežny film» na premii «Załaty hłobus».