Mitrapalit Pavieł: «Tema samakiravanaści BPC zdymajecca z paradku dnia»
«Tema samakiravanaści BPC zdymajecca z paradku dnia na 25—50 hadoŭ», — zajaviŭ mitrapalit Pavieł u efiry ANT.
Pa jahonych słovach, biełaruskija śviatary, jakija vystupali za samakiravanaść carkvy, tak i nie zmahli patłumačyć svaju metu.
«Na fonie taho, što adbyvajecca ŭ Jeŭropie i ŭ śviecie, hetaja dumka hučyć niejak tendencyjna. U mianie skłałasia ŭražańnie, što hetuju ideju śpiecyjalna siudy padkinuli i jana siońnia jak nikoli nie ŭ čas prahučała», — patłumačyŭ Pavieł.
«Ja pavinien absalutna aficyjna skazać, što ŭvieś ažyjataž i šum ničoha, aproč škody, nie prynios. Pažadańnie z boku minskaj jeparchii vyklikała chvalu abureńnia z boku ahromnistaj kolkaści ludziej», — prakamientavaŭ situacyju jon.
«Ja pryniaŭ rašeńnie hetaje pytańnie źniać z paradku dnia. Davajcie pierastaniem abmiarkoŭvać hetuju temu. Hetaje pytańnie treba na nieabmiežavany termin zakryć. Tema zdymajecca z paradku dnia, i my bližejšyja 25—50 hadoŭ da jaje viartacca nie budziem», — padsumavaŭ Pavieł.
* * *