Pad Homielem ušanavali pamiać Michaiła Žyźnieŭskaha VIDEA
Hod tamu, 22 studzienia, u Kijevie zahinuŭ uradženiec Biełarusi Michał Žyźnieŭski — kula trapiła jamu ŭ serca padčas supraćstajańnia mitynhoŭcaŭ ź siłavikami na vulicy Hrušeŭskaha. Kab ušanavać pamiać zmahara za svabodu Ukrainy, na mohiłki pad Homielem siońnia pryjechali pradstaŭniki ŭkrainskaha pasolstva i vałanciory, biełarusaŭ taksama było šmat.
Michał staŭ adnoj ź pieršych achviaraŭ ukrainskaj revalucyi, tamu jahonaje proźvišča patrapiła ŭ tak zvany Śpis Hierojaŭ Niabiesnaj Sotni. Jahonyja baćki atrymali za syna adnajmienny orden z ruk Piatra Parašenki.
Pry hetym, jak śćviardžaje maci Žyźnieŭskaha, u Biełarusi prarasijskaja «piataja kałona» maluje jaje syna nacystam i banderaŭcam.
Zaviaršyłasia ŭšanavańnie pamiaci Michaiła Žyźnieŭskaha paminalnaj viačeraj u kaviarni ŭ Homieli.