Salihorski sud apraŭdaŭ Chryścinu Samojłavu
Rajonny sud razhledzieŭ skarhu moładzievaj aktyvistki Chryściny Samojłavaj adnosna štrafaŭ, jakija byli vyniesienyja dziaŭčynie 28 listapada.
Chryścina Samojłava |
Salihorski rajonny sud razhledzieŭ skarhu moładzievaj aktyvistki Chryściny Samojłavaj adnosna štrafaŭ, jakija byli vyniesienyja dziaŭčynie 28 listapada. Tady kamisija pa spravach niepaŭnaletnich pad staršynstvam Žanny Karpiec prysudziła Samojłavaj 2 miljony 480 tysiač rubloŭ štrafu za čatyry administracyjnyja pratakoły.
Siońnia sudździa Łapina, jakaja ŭ vieraśni viała kryminalnuju spravu suprać Ivana Šyły, niečakana ŭziała bok Chryściny Samojłavaj. Łapina admianiła ŭsie čatyry rašeńni administracyjnaj kamisii i adpraviła ich na pierarazhlad.
Zaŭtra a 15:00 budzie razhladacca analahičnaja skarha Ivana Šyły. Skarhu Illi Šyły nia mohuć razhledzieć biez udziełu baćki, jakoha siońnia pakarali piatnaccaćciu sutkami aryštu za ŭdzieł va ŭčorašniaj akcyi pratestu pradprymalnikaŭ.