Apazycyjnyja partyi adkazali Minjustu
abnoŭlena
Partyja BNF i Abjadnanaja hramadzianskaja partyja nakiravali ŭ Ministerstva justycyi adkazy na patrabavańnie patłumačyć udzieł ich lideraŭ u akcyi pradprymalnikaŭ 10 studzienia. Pradstaŭniki partyjaŭ kažuć pra niezakonnaść i palityčnuju matyvavanaść patrabavańniaŭ ministerstva justycyi.
U raźmieščanym na sajcie Minjustu paviedamleńni ad 12 studzienia havorycca, što padčas niesankcyjanavanaha mitynhu pradprymalnikaŭ było hruba parušana zakanadaŭstva Biełarusi ab masavych mierapryjemstvach. Taksama zhadvajecca pra ŭdzieł u akcyi, siarod inšych, lideraŭ Abjadnanaj hramadzianskaj partyi, Partyi BNF i Partyi kamunistaŭ biełaruskaj. Ministerstva zapatrabavała ad partyjaŭ u trochdzionny termin padać infarmacyju, ci byli hetyja lidery ŭpaŭnavažanyja partyjami na ŭdzieł u akcyi, a kali nie, to davieści hramadzkaści aficyjnuju pazycyju partyi nakont hetaha, u tym liku praz srodki masavaj infarmacyi.
Pavodle siabra palityčnaj rady AHP jurysta Siarhieja Alfiera, adkaz na hetaje patrabavańnie siońnia nakiravany ŭ Minjust.
«Choć takija ścisłyja terminy nie adpaviadajuć zakanadaŭstvu, tym nia mienš my dasłali. U adkazie napisana, što AHP nie razhladała pytańnia pra ŭdzieł spadara Labiedźki ŭ hetym mierapryjemstvie. Što tyčycca ściahu AHP, to partyja nikoli nie zabaraniała i nie planuje zabaraniać zakonnaje vykarystańnie symboliki AHP jaje siabrami. Što da patrabavańnia ab publikacyi pazycyi partyi, to AHP ličyć, što heta nie źjaŭlajecca zakonnym patrabavańniem».
Nahadaju, što lider AHP Anatol Labiedźka asudžany na 15 sutak aryštu za ŭdzieł u akcyi pradprymalnikaŭ.
Siarhiej Alfier ličyć patrabavańnie Minjustu palityčna matyvavanym. Juryst tłumačyć, što pavodle zakonu, kali palityčnaja partyja była zajaŭnikam mierapryjemstva i padčas jaho adbyłosia surjoznaje parušeńnie zakonu, to partyju mohuć pazbavić rehistracyi.
Adkazny sakratar upravy Partyi BNF juryst Uładzimier Łabkovič rasceńvaje patrabavańnie Ministerstva justycyi jak sprobu cisku na palityčnyja partyi.
«Dadzienaje patrabavańnie nijak nie stasujecca z zakanadaŭstvam. Udzieł siabra Partyi BNF jak pryvatnaj asoby ŭ lubych masavych mierapryjemstvach — heta jahonaja asabistaja sprava. I my jak palityčnaja partyja nia budziem davać acenki dziejańniam našych siabroŭ pa‑za tymi daručeńniami, jakija im partyja davała. Na sojmie 12 studzienia Udzieł siabra Partyi BNF jak pryvatnaj asoby ŭ mierapryjemstvach — heta jahonaja asabistaja sprava
Partyja BNF vykazała svajo staŭleńnie da toj sytuacyi, jakaja skłałasia vakoł pradprymalnikaŭ. My ŭściešanyja tym, što Minjust patrabuje, kab my daviali da hramadztva našu pazycyju pa akcyjach pratestu pradprymalnikaŭ».Tamu, kaža Ŭładzimier Łabkovič, partyja nakiroŭvaje patrabavańnie da redakcyi hazety «Sovietskaja Biełoruśsija» i Biełteleradyjokampanii, kab im zabiaśpiečyli mahčymaść davieści praz hetyja ŚMI svaju pazycyju.
Lider Partyi kamunistaŭ biełaruskaj Siarhiej Kalakin, jaki taksama prysutničaŭ na mitynhu pradprymalnikaŭ, nijakaha lista ź ministerstva justycyi nie atrymlivaŭ.
«Kali atrymajem aficyjny zvarot, my im adkažam u adpaviednaści z zakanadaŭstvam. Dziejnaść partyi prypynienaja ad 2 žniŭnia. I siońnia Minjust kaža, kab partyja pravodziła niejkija pasiedžańni, dzie vykazvała svaju pazycyju pa niejkich palityčnych pytańniach. Hetaha partyja nie rabiła i rabić nia moža. Heta było b dziŭna, bo Minjust pavinien stajać na tym, kab vykonvałasia zakanadaŭstva, i nia moža padšturchoŭvać, kab heta zakanadaŭstva parušałasia».
Nahadaju, što 30 studzienia Viarchoŭny Sud budzie razhladać pazoŭ Kali atrymajem aficyjny zvarot, my adkažam u adpaviednaści z zakanadaŭstvam
Ministerstva justycyi ab likvidacyi PKB.
U samim Ministerstvie justycyi siońnia kamentaroŭ nakont hetaha nie dajuć i rajać nakiravać na imia ministra piśmovy zapyt, jaki paźniej budzie razhledžany.
***
Ministerstva justycyi zapatrabavała ad Partyi BNF, Abjadnanaj hramadzianskaj partyi i Partyi kamunistaŭ tłumačeńniaŭ nakont udziełu ich lideraŭ Anatola Labiedźki, Alesia Michaleviča i Siarhieja Kalakina ŭ manifestacyi pradprymalnikaŭ 10 studzienia. Ultymatyŭnaje patrabavańnie musić być vykanana ŭ 2-dzionny termin. Taksama Minjust padaŭ pazoŭ na likvidacyju abjadnańnia pradprymalnikaŭ «Perspektyva». BNF: pradprymalnikaŭ padtrymlivajem, tłumačeńni možam dać pa BT.
Paviedamleńnie ministerstva było raźmieščana na jaho internet-sajcie 12 studzienia, tamu faktyčna partyi majuć na adkaz navat nia try, a tolki dva dni.
Na padstavie častki treciaj artykułu 27 zakonu «Ab palityčnych partyjach» ministerstva zapatrabavała ad kiraŭničych orhanaŭ nazvanych partyj padać «infarmacyju ab tym, ci byli hetyja asoby ŭpaŭnavažanyja adpaviednymi partyjami na ŭdzieł u nazvanym masavym mierapryjemstvie z nakiravańniem adpaviednych partyjnych rašeńniaŭ».
«U vypadku nie nadzialeńnia svaich partyjnych lideraŭ nazvanymi paŭnamoctvami» Minjust patrabuje «vykazać aficyjnaje staŭleńnie partyi adnosna ich dziejańniaŭ na niesankcyjanavanym mierapryjemstvie».
Na dumku adkaznaha sakratara ŭpravy Partyi BNF jurysta Uładzimira Łabkoviča, list Minjustu «nie zasnavany na narmatyŭnych aktach i zakonach». «My źvierniemsia ŭ Biełteleradyjokampaniju z patrabavańniem dać nam mahčymaść vykanać zahad Ministerstva justycyi i vykazać staŭleńnie Partyi BNF pa pytańniach drobnych pradprymalnikaŭ, a taksama akcyj pratestu», — zajaviŭ U. Łabkovič.
12 studzienia Sojm Partyi BNF pryniaŭ zajavu, u jakoj padtrymaŭ «patrabavańni i akcyi pradprymalnikaŭ».
Lider PKB Siarhiej Kalakin, jaki taksama prysutničaŭ na mitynhu, zajaviŭ BiełaPAN, što nijakaha lista ź Minjustu nie atrymlivaŭ. «Kamentar da padobnaha lista pavinien davać nie palityk, a psichijatar», — ličyć S. Kalakin. Pavodle jaho słoŭ, pokolki dziejnaść PKB prypyniena, «pra ŭdzieł partyi ŭ arhanizacyi mierapryjemstva nia moža iści i havorki».
Z adpaviednym zapytam u AHP namieśnik ministra justycyi Alaksandar Bilejčyk źviarnuŭsia 12 studzienia.
U zvarocie Minjust patrabuje nie paźniej za 14 studzienia padać infarmacyju pra toje, ci byŭ Anatol Labiedźka ŭpaŭnavažany partyjaj na ŭdzieł u dadzienym masavym mierapryjemstvie.
«Kali tak — padać kopii pratakołaŭ, što ŭtrymlivajuć adpaviednaje rašeńnie, — havorycca ŭ zapycie. — Kali nie — vykazać aficyjnuju pazycyju partyi adnosna dziejańniaŭ dadzienaj asoby, a taksama aficyjna, u tym liku praz srodki masavaj infarmacyi, davieści da hramadzkaści infarmacyju nakont datyčnaści Abjadnanaj hramadzianskaj partyi da praviadzieńnia ŭkazanaha mierapryjemstva».
Minjust zapatrabavaŭ taksama padać tłumačeńni adnosna vykarystańnia ŭdzielnikami mitynhu ściahu Abjadnanaj hramadzianskaj partyi.
Miarkujučy pa ultymatyŭnym tonie patrabavańnia, Minjust choča pavieści AHP i PBNF darohaj Partyi kamunistaŭ. Likvidacyja Kampartyi raspačniecca 30 studzienia.
Adnačasova Ministerstva justycyi padała ŭ Viarchoŭny sud pazoŭ ab likvidacyi Respublikanskaha hramadzkaha abjadnańnia «Perspektyva».
U paviedamleńni, jakoje raźmieščana 12 studzienia na sajcie ministerstva, adznačajecca, što «10 studzienia 2008 hodu ŭ horadzie Miensku adbyŭsia niesankcyjanavany mitynh pradprymalnikaŭ, u jakim razam ź inšymi asobami ŭziaŭ udzieł lider Respublikanskaha hramadzkaha abjadnańnia «Perspektyva» Anatol Šumčanka».
«Padčas praviadzieńnia nazvanaha niesankcyjanavanaha mitynhu pradprymalnikaŭ byŭ paralizavany ruch transpartu pa praspekcie Niezaležnaści ŭ rajonie płoščy Niezaležnaści (na praciahu 1 hadziny 20 chvilin). Dziejańniami arhanizataraŭ dadzienaha niesankcyjanavanaha mitynhu, u tym liku Respublikanskaha hramadzkaha abjadnańnia «Perspektyva», naniesiena značnaja škoda intaresam hramadzian, dziaržaŭnym i hramadzkim intaresam», — havorycca ŭ paviedamleńni.
Zakon «Ab hramadzkich abjadnańniach» utrymlivaje normu pra toje, što «hramadzkaje abjadnańnie moža być likvidavana pavodle rašeńnia sudu za adnarazovaje parušeńnie zakanadaŭstva ab masavych mierapryjemstvach u vypadkach, praduhledžanych zakanadaŭčymi aktami», padkreślivaje Minjust.