Biełaruski rynhton pastavili 100 tysiač čałaviek
Miełodyju «MnS» biełaruskaha elektronnaha hurta Dreamlin na studzień 2015 hoda pastavili na zvanok bolš za 101 tysiaču čałaviek, piša Ultra-Music.
Rynhton staŭ adnym z najbolš papularnych u mabilnyj prahramie Pimp Your Sound biełaruskaj studyi Apalon, stvaralnikaŭ chitovaj prahramy dla ŭpryhožvańnia rabočaha stała smartfona Pimp Your Screen.
Miełodyja źjaŭlajecca remiksam pieśni «Mountainz'N'Space» hurta Cherryvata, pazbaŭlenym amal usich śladoŭ aryhinału. Muzyka hurta Dreamlin Jahor Kunoŭski braŭ udzieł u raspracoŭcy Pimp Your Sound i ŭklučyŭ miełodyju biez vakału ŭ standartny nabor budzilnikaŭ. Sam jon trymaŭ miełodyju na rynhtonie z paŭhoda da raspracoŭki prahramy.