U Rasii siaredni zarobak za hod abrynuŭsia z $1000 da $540
Fiederalnaja słužba dziaržaŭnaj statystyki Rasii apublikavała dadzienyja ab siarednim zarobku ŭ krainie ŭ śniežni 2014 hoda.
Pavodle padlikaŭ, jon skłaŭ 41985 rubloŭ «brudnymi». Za vylikam padachodnaha padatku — 36 527 rubloŭ. Pa tahačasnym siarednim kursie dalara heta krychu mienš za $655.
Roŭna hod tamu ličba pieravyšała $1000 «čystymi».
Adnak u paraŭnańni sa śniežniem situacyja ŭ Rasii istotna źmianiłasia.
Pa-pieršaje, kurs dalara vyras jašče na čverć, «źjeŭšy» častku zarobku. Pry ciapierašnim kursie siaredni rasiejec moža kupić usiaho $537.
Pa-druhoje, śniežańskija zarobki ŭ Rasii zaŭsiody zvyšvysokija. Premii i inšyja «trynaccatyja zarpłaty» tradycyjna zadzirajuć dachody na tracinu. Paśla čaho ŭ studzieni adbyvajecca viartańnie zarobkaŭ na listapadaŭski ŭzrovień.
Pa-treciaje, pałovu studzienia Rasija nie pracavała praz doŭhija kanikuły.
Usie hetyja faktary razam pryviaduć da taho, što siaredni zarobak «čystymi» ŭ studzieni 2015 składzie kala $420.