U Mahilovie dzieciuki abstralali tralejbus

Dvoje 23‑hadovych chłopcaŭ z pneŭmatyčnaj zbroi abstralali mahiloŭski tralejbus. Abyšłosia biez achviaraŭ.

Dvoje 23‑hadovych chłopcaŭ z pneŭmatyčnaj zbroi abstralali mahiloŭski tralejbus. Supracoŭniki milicyi raspačali kryminalnuju spravu.

Zdareńnie adbyłosia pozna ŭviečary na praspekcie Šmidta. Dva chłopcy ŭ niećviarozym stanie viartalisia z rybałki damoŭ. Spačatku jany z pneŭmatyčnaha pistaletu stralali ŭ pustyja słoiki, a potym, kali vyjšli da prypynku hramadzkaha transpartu, trojčy strelili ŭ vokny tralejbusu piataha maršrutu. U vyniku zdareńnia nichto nie paciarpieŭ — tralejbus jechaŭ biez pasažyraŭ.

Pa fakcie chulihanstva mahiloŭskaja milicyja raspačała kryminalnuju spravu. Pavodle artykułu 339 častka 1‑aja Kryminalnaha kodeksu zatrymanych chłopcaŭ mohuć pazbavić voli na termin da troch hadoŭ.

Z pneŭmatyčnaj zbroi ŭ mahiloŭskija tralejbusy stralajuć nie ŭpieršyniu. Uletku 2006 hodu 27‑hadovy mužčyna paceliŭ u tralejbus druhoha maršrutu. Tady taksama abyšłosia biez achviaraŭ.

Andrej Mikałajeŭ, Polskaje radyjo dla zamiežža

Kamientary da artykuła