«Razburalniki mifaŭ» pravieryli realistyčnaść hulniaŭ Fruit Ninja i Doom VIDEA
Upierhyniu za 23 hadoŭ papularnaje šou kanała Discovery źviarnułasia da śvietu videahulniaŭ, raspaviadaje Kotaku.
Čarhovy vypusk prahramy pačaŭsia z pravierki realistyčnaści kultavaj «stralałki» Doom, dzie marpiech moža nieści adnačasova ŭsiu najaŭnuju ŭ hulni zbroju — 8 «stvałoŭ» i bienzapiłu.
Dla realizmu aŭtary šou zbudavali imitacyju ŭzroŭniu Doom, zrabili repliki zbroi i zaprasili aktoraŭ na rolu vorahaŭ.
Viadoŭcy Adam i Džejmi prajšli ŭzrovień spačatku ŭ «zvyčajnym» režymie — brali tolki pa adnoj strelbie. Heta zaniała kala 6 chvilin.
Zatym jany, jak i hieroj Doom, padbirali ŭsiu mahčymuju zbroju (sumarnaja vaha — 36 kh). Takim čynam Adam prajšoŭ uzrovień za 10 chvilin, Džejmi — za 12.
Ale kab dadać jašče bolš realizmu, jany paprasili prajści ŭzrovień u abodvuch režymach futbalista i barca Brendana Ščaŭba, jaki bolš za ich padobny da marpiecha.
Brendan prajšoŭ uzrovień u «lohkim» režymie za 4 chviliny. «Ciažki» režym z usioj amunicyjaj zaniaŭ u jaho ŭsiaho na 3 siekundy bolš.
Biehać z kučaj zbroi na plačach, jak robić hieroj Doom, davoli padobna da praŭdy, zaklučyli «Razburalniki mifaŭ».
Zatym Adam pasprabavaŭ raśsiakać na latu sadavinu japonskim miačom — jak u hulni Fruit Ninja.
Ź pieršaj sproby jon trapiŭ tolki pa 30 sa 100, ale kali paprasiŭ asistentaŭ ustać dalej i padkidvać sadavinu chutčej, «adoleŭ» 55 sa 100.
Hiejmpłej Fruit Ninja nierealistyčny, zaklučyli jany, ale značna bolš viasioły ŭ realnym žyćci.
***
«Razburalniki mifaŭ» u efiry z 2003 hoda. U navukova-papularnaj prahramie aŭtary biarucca za pravierku haradskich lehiendaŭ u maksimalna vidoviščnaj formie. Naprykład, jany praviarali, ci možna hołasam raźbić škło albo ci možna ŭratavacca z mašyny, što patanuła ŭ vadzie.