Kitajskaja avijakampanija choča ŭvieści ŭ samalotach stajačyja miescy
Kitajski łaŭkostar Spring Airlines sabraŭsia prapanavać svaim pasažyram stajačyja miescy. Pra heta paviedamlaje MarketWatch sa spasyłkaj na Nacyjanalnaje radyjo Kitaja. U avijakampanii adznačyli, što takoje novaŭviadzieńnie daść mahčymaść źnizić košt kvitkoŭ.
wikipedia.org
Pieravozčyk užo vystupaŭ z padobnaj inicyjatyvaj raniej. Upieršyniu padobnuju prapanovu jak adkaz na deficyt kvitkoŭ napiaredadni kitajskaha Novaha hoda ahučyŭ u 2008 hodzie staršynia praŭleńnia kampanii Van Čženchua.
Pres-sakratar Spring Airlines zajaviŭ, što ŭkaranieńnie na rejsach stajačych miescaŭ źviazana z mnostvam umoŭ. «Treba damovicca z vytvorcami samalotaŭ, atrymać zhodu ŭładaŭ i pierakanać našych pasažyraŭ pryniać hetuju ideju», — zajaviŭ jon.
Raniej z padobnymi inicyjatyvami vystupali inšyja avijakampanii, u pryvatnaści irłandskaja Ryanair Holdings. Pry hetym ukaranić stajačyja miescy z-za praviłaŭ biaśpieki palotaŭ da hetaha času nie ŭdałosia nivodnamu avijapieravozčyku.