Amierykancy pakazali pieršy ŭ śviecie rejłhan — elektramahnitnuju harmatu
«Dobraja zbroja. Pamiataju, vykarystoŭvaŭ takuju, kali hulaŭ u Quake», — napisaŭ siońnia adzin z kamientataraŭ pad artykułam pra rejłhan, albo rejkavuju harmatu, prademanstravanuju na vystavie vajenna-marskich uzbrajeńniaŭ u Vašynhtonie.
Tak moža vyhladać karabiel, na jakim budzie vypraboŭvacca rejkavaja puška.
Amierykanski fłot pačaŭ ekśpierymienty sa zbrojaj, nazva jakoj dahetul hučyć fantastyčna, jašče ŭ 2005 hodzie. A na hetym tydni ŭpieršyniu prademanstravaŭ elektramahnitnuju harmatu šyrokaj publicy.
Rejkavaj jaje kličuć z-za vykarystańnia ŭ jakaści asnoŭnych elemientaŭ 2 paralelnych elektrodaŭ, padklučanych da krynicy mahutnaha stałaha toku. Elektrapravodny snarad znachodzicca pamiž hetymi rejkami-elektrodami i razhaniajecca pad dziejańniem mahnitnaha pola.
Takaja harmata, zroblenaja brytanskaj kampanijaj BAE Systems, adpraŭlaje 10 kh snarad u cel z chutkaściu ŭ 6 razoŭ bolej za chutkaść huku i na adlehłaści ŭ 180 mil moža prabić stalnuju pieraškodu taŭščynioj u 7,5 sm. Takim čynam pakul što płanujecca vykarystoŭvać snarady biez načyńnia — kinietyčnaj siły ŭdaru chapaje dla źniščeńnia ŭsich mahčymych celej.
Rolik, jaki pakazvaje, jak stralaje rejkavaja harmata.
Pośpiechi vučonych i inžynieraŭ dazvolili źmienšyć pamiery i abjom spažyvanaj enierhii dla ŭstanoŭki, paviedamiŭ aficyjny sajt Ofisa Vajenna-marskich daśledavańniaŭ VMF ZŠA onr.navy.mil.
Zaraz jaje vypraboŭvajuć na ziamli, a ŭ 2016 hodzie pačnucca testy na mory.
Płanujecca, što zbroja takoj chutkaści dapamoža pry abaronie karabloŭ ad varožych samalotaŭ, rakiet, i pry hetym adzin streł budzie kaštavać u dziasiatki razoŭ mieniej, čym rakieta.