Ministr Ščotkina raspaviała pra płanku stažu dla pryznačeńnia piensii i źmianieńnie piensijnaha ŭzrostu
Ministr pracy i sacyjalnaj abarony Marjana Ščotkina ŭ subotu ŭ chodzie ahulnarespublikanskaj pramoj telefonnaj linii pa pytańniach sacyjalna-pracoŭnaj śfiery ahučyła płany ŭrada ŭ piensijnaj palitycy.
U pryvatnaści, nieadnarazova hučała pytańnie, ci nie płanujecca znoŭ pavysić płanku stažu dla pryznačeńnia piensii.
Jak viadoma, z 1 studzienia biahučaha hoda źmienieny paroh stažu dla piensii pa ŭzroście i za vysłuhu hadoŭ: jon pavialičany z 10 da 15 hadoŭ. Umova ab najaŭnaści 15-hadovaha minimalnaha stažu pracy budzie prymianiacca tolki da novych pryznačeńniaŭ piensij.
Tym, chto nie maje minimalnaha 15-hadovaha (abo ustanoŭlenaha dla asobnych katehoryj 5-hadovaha) stažu pracy z vypłataj abaviazkovych strachavych uznosaŭ,
sacyjalnaja piensija budzie pryznačacca na 5 hadoŭ paźniej: mužčynam — pa dasiahnieńni ŭzrostu 65 hadoŭ, žančynam — 60 hadoŭ.
Hetyja źmieny nie zakranajuć dziaciej-invalidaŭ, invalidaŭ, u tym liku invalidaŭ ź dziacinstva, dziaciej u vypadku straty karmiciela i inš.
Marjana Ščotkina zapeŭniła: pytańnie ab dalejšym pavyšeńni paroha stažu na paradku dnia nie staić. Roŭna jak i pytańnie ab pavyšeńni piensijnaha ŭzrostu.
Tradycyjna prahučała zadadzieny pytańnie ab vierahodnaści źmien u dačynieńni da piensijanieraŭ, jakija pracujuć. I prahučaŭ tradycyjny adkaz ministra — takija źmieny nie płanujucca.
Marjana Ščotkina prainfarmavała ab navacyjach ŭkaza №570 «Ab udaskanaleńni piensijnaha zabieśpiačeńnia», jakim praduhledžany miery pa pavyšeńni piensij za praciahły staž pracy. Hetyja miery ŭstupajuć u siłu paetapna: z 1 studzienia 2015 hoda i z 1 studzienia 2016 hoda. Tak, z 1 studzienia hetaha hoda ŭžo adbyłosia pavyšeńnie piensij asobam, jakija dasiahnuli ahulnaŭstanoŭlenaha piensijnaha ŭzrostu, jakija mieli doŭhi staž pracy ź nievysokimi zarobkami.