Parašenka: Minski pratakoł — heta nie šviedski stoł u hateli «Bavarski dvor»
U Miunchienie prajšli trochbakovyja pieramovy prezidenta Ukrainy Piatra Parašenki, kanclera Hiermanii Anhieły Mierkiel i vice-prezidenta ZŠA Džo Bajdena.
Paśla pieramovaŭ Parašenka zajaviŭ, što Ukraina nie pahodzicca na pierahlad i ŭniasieńnie źmianieńniaŭ u demarkacyjnuju liniju raźmiežavańnia bakoŭ kanfliktu na ŭschodzie Ukrainy, jakaja abaznačanaja ŭ Minskim pahadnieńni ź sieparatystami.
«Minski pratakoł — heta nie šviedski stoł u hateli «Bavarski dvor», — skazaŭ Parašenka, majučy na ŭvazie pamiaškańnie, dzie prachodzili trochbakovyja pieramovy ŭ Miunchienie.
Pa słovach Parašenki, novyja damoŭlenaści mohuć prynieści mir tolki ŭ vypadku vykanańnia ŭsich 12 punktaŭ Minskaha pahadnieńnia.
Z pačatku dziejańnia pahadnieńnia i abjavy režymu pieramirja ŭ pačatku vieraśnia 2014 hoda i da 20 studzienia 2015 hoda «DNR» i «ŁNR» pavialičyli svaju terytoryju na 500 kvadratnych kiłamietraŭ.