Bajeviki zachapili 90% Debalcava, usie darohi ŭ horad zaminiravanyja, šmatlikija ŭkraincy trapili ŭ pałon
Pad Debalcievym prosiać kalidor, kab vyvieści padraździaleńni, jakija trapili ŭ tak zvanaje «apieratyŭnaje» akružeńnie.
Pra heta ŭ telefonnym kamientary «Novomu Vriemieni» raspavioŭ adzin z namieśnikaŭ kambata 25-ha bataljona «Kijeŭskaja Ruś», jaki ciapier znachodzicca ŭ rajonie Debalcava.
«Vielmi krytyčnaja, vielmi drennaja situacyja. Debalcava na 90% zachoplena, iduć vuličnyja bai», — skazaŭ zamkombata.
Pavodle jaho słoŭ, u horadzie zastalisia padraździaleńni ŭkrainskich vojskaŭ: 128-ja bryhada, 40-j bataljon, 30-ja bryhada, vojski MUS, bataljon «Arciomaŭsk», Nachvardyja.
Što tyčycca akružeńnia, to jon nazyvaje jaho «apieratyŭnym» i tłumačyć, što heta aznačaje: «Jość apieratyŭnaje akružeńnie.
Usie try darohi, jakija išli adtul, — zaminiravanyja i pad ščylnym ahniavym kantrolem praciŭnika».
«Situacyjaj tut kamandavańnie nie vałodaje. My z sumiežnikami i z tymi padraździaleńniami, jakija znachodziacca tut, znajšli ahulnuju movu i sprabujem niejak dapamahčy chłopcam. Plus vyjšli na pramuju artyleryjskuju padtrymku tam, dzie možam dastać», — dadaŭ jon.