Hulaka padtrymaŭ pratestantaŭ
Upaŭnavažany pa spravach relihij i nacyjanalnaściej Leanid Hulaka zajaviŭ ab niezakonnaści prymušeńnia da ŭstupleńnia ŭ hramadskija arhanizacyi.
Pra heta ŭ intervju BiełaPAN paviedamiŭ udzielnik sustrečy, sakratar savieta jepiskapaŭ Abjadnańnia abščyn chryścijan poŭnaha Jevanhiella ŭ Respublicy Biełaruś Siarhiej Łukanin.
Pavodle jaho słoŭ, Ł.Hulaka raździaliŭ zaniepakojenaść viernikaŭ rekłamaj akultyzmu ŭ ŚMI i zaznačyŭ, što hetyja prablemy nieabchodna razhladać razam z pytańniami zasilla erotyki i sieksu na telebačańni.
U sustrečy taksama ŭdzielničali jepiskapy Sajuza jevanhielskich chryścijan baptystaŭ u Respublicy Biełaruś Mikałaj Sinkaviec i Kanfierencyi cerkvaŭ chryścijan advientystaŭ siomaha dnia ŭ Respublicy Biełaruś Maisiej Astroŭski.
Nahadajem, što tydzień tamu jepiskapy čatyroch pratestanckich abjadnańniaŭ zaklikali biełaruskija ŭłady admovicca ad prymušeńnia da ŭstupleńnia ŭ Biełaruskuju respublikanskuju pijanierskuju arhanizacyju i Biełaruski respublikanski sajuz moładzi, a taksama spynić rekłamu akultyzmu ŭ ŚMI.