TNT viarnułasia ŭ Biełaruś: płanujucca biełaruskija prahramy
Pakul rasijski kanał možna pabačyć praz «Zału», z 1 sakavika — praz MTIS.
Jak paviedamlałasia raniej, «TNT Comedy» budzie znoŭ tranślavacca ŭ Biełarusi paśla 4-hadovaha pierapynku. U efiry buduć rasijskija prahramy i sieryjały — Comedy Club, Stand Up, «Fizruk», «Interny», «Univier», «Dom-2» i inšyja.
Efir TNT płanujecca «razbavić» i biełaruskimi telešoŭ,
raspaviali «Našaj Nivie» ŭ kampanii «Tryo Miedyja», što maje pravy na viaščańnie «TNT-Comedy» u Biełarusi.
«Pakul hetaje pytańnie ŭ adkrytym stanie. Płanujecca, ale nie ŭ bližejšy čas. Napeŭna, heta budzie nastupny siezon», — skazali ŭ kampanii. Zaraz kampanija vyvučaje kancepcyi, prahladaje i prasłuchoŭvaje roznyja idei.
Zaraz kanał pačnie pracu ŭ testavym režymie — jon tranślujecca praź internet-TV Zala, z 1 sakavika pačnie tranślavacca ŭ ličbavym TV MTIS. U sakaviku płanujecca zaklučyć bolšuju kolkaść pahadnieńniaŭ.