Apple vypłacić paŭmiljarda dalaraŭ za parušeńnie patentaŭ
Sud Techasa vyrašyŭ, što Apple parušyła patenty ŭ muzyčnym servisie iTunes.
Fota: Yuya Shino, Reuters
Amierykanskaja kampanija Smartflash pieramahła ŭ sudzie Apple. Z zapatrabavanych 852 młn dalaraŭ Apple prymusiać vypłacić 532,9 młn, paviedamlaje Reuters.
Jak zajaŭlała Smartflash, Apple skarystałasia jaje zapatentavanymi technałohijami ŭ servisie iTunes — u pryvatnaści, sposabami zachavańnia muzyki, videa i prahram dy dostupu da ich. Apple u svaju čarhu zajaŭlała, što zatraciła nie adzin hod na realizacyju idej, tamu admaŭlałasia płacić Smartflash, bo taja nie viadzie dziejnaści, źviazanaj z zapatentavanymi technałohijami.
Sud zaklučyŭ: Apple asensavana parušała patentnaje zakanadaŭstva.
Smartfish padała ŭ sud na Apple ŭ rodnym dla kampanii horadzie Tajler u mai 2013 hoda. U tym ža horadzie ŭ 2012 hodzie Apple prymusili zapłacić 368 młn dalaraŭ za parušeńnie patentaŭ kampanii VirnetX.
Taksama Smartfish padavała ŭ sud na Google, Samsung i HTC.