Mabilnaja suviaź uklučanaja ŭ spažyviecki košyk biełarusa
U košyku biełarusa musić być i mabilny internet.
Ad 1 sakavika ŭ siłu ŭstupiła pastanova Minpracy, što zaćvierdziła novy spažyviecki košyk biełarusa. Siaredniestatystyčnaja biełaruskaja siamja, pavodle ministerstva, ciapier maje sotavy aparat.
Zhodna sa statystykaj, u 2013 hodzie 92,3% chatnich haspadarak karystalisia pasłuhami ruchomaj elektrasuviazi. Hetkija pasłuhi stali pasłuhami pieršaj nieabchodnaści i sacyjalnych stasunkaŭ, piša BIEŁTA.
Dla siamji z čatyroch čałaviek, maładoj siamji z troch čałaviek, pracazdolnaha nasielnictva, piensijanieraŭ, studentaŭ i školnikaŭ ciapier u spažyviecki košyk uklučanyja pasłuhi jak sotavaj suviazi, tak i mabilnaha internetu.
Taksama niekatoryja karektyroŭki ŭniesienyja ŭ nabor adzieńnia, abutku, bializny, lekaŭ i pradmietaŭ sanitaryi i hihijeny. U košyk siamji ź dziciom da 3 hod uklučany dziciačy vazok.
Źmieny ŭ spažyvieckim košyku pryviali da rostu minimalnaha spažyvieckaha biudžetu siamji z čatyroch čałaviek na 3,9%, inšych hrup — na 0,9-4,8%. Z 1 lutaha pa 30 krasavika minimalny spažyviecki biudžet dla siamji z čatyroch čałaviek byŭ ustalavany ŭ pamiery 2 158 170 rubloŭ na čałavieka, ź ich na bytavyja pasłuhi, transpart i suviaź prychodziłasia 7,2%.