Parašenka raspavioŭ, što adkazaŭ jamu Pucin u liście pra Saŭčanka
Reuters.com
Pra heta jon zajaviŭ padčas sustrečy z namieśnikam dziaržaŭnaha sakratara ZŠA Entani Blinkienam, paviedamlaje pres-słužba prezidenta.
Parašenka padkreśliŭ, što najbolš niebiaśpiečna situacyja raźvivajecca vakoł ŭkrainskaj lotčycy Nadziei Saŭčanka, jakuju niezakonna zachapili na terytoryi Ukrainy i nielehalna pieravieźli ŭ Rasiju.
Kiraŭnik dziaržavy paviedamiŭ taksama, što jon źviartaŭsia da prezidenta Pucina z prośbaj nakiravać ukrainskich daktaroŭ, kab jany atrymali mahčymaść ahledzieć Nadzieju i dać svaje rekamiendacyi adnosna lačeńnia i miedycynskaj dapamohi: «Ja adpraviŭ jamu list, kab nieadkładna vyzvalić jaje».
Pavodle jaho słoŭ, u liście-adkazie adznačałasia, što finalnaje rašeńnie adnosna Nadziei «budzie hruntavacca na pravavych normach i pryncypach humanizmu».
Razam z tym, prezident pierakanany ŭ nieabchodnaści praciahu aktyŭnych dziejańniaŭ dla vyzvaleńnia Nadziei Saŭčanka.