U ZŠA dehustavali vino 150-hadovaj daŭniny
Hrupa ekśpiertaŭ u ZŠA pradehustavała vino z butelki, znojdzienaj čatyry hady tamu na patanułym ŭ 1864 hodzie la ŭźbiarežža Biermudzkich vyspaŭ karabli.
Niekalki dziasiatkaŭ čałaviek nabyli kvitki, kab patrapić na kulinarny fiestyval u horadzie Čarlstan, Paŭdniovaja Karalina, kab panazirać za dehustacyjaj.
«Ja ŭžo sprabavaŭ u minułym viny z patanułych karabloŭ. Jany byvajuć časam niadrennymi», — cytuje Rejter adnaho z ekśpiertaŭ samielje Poła Robiertsa.
Na hety raz vino z butelki, što pralažała 150 hadoŭ na dnie akijana, akazałasia žoŭta-šeraj mutnavataj vadkaściu, jakaja pa smaku nahadała samielje sumieś z salonaj vady, vocatu, siery i bienzinu. Ekśpierty ŭłavili taksama lohkija cytrusavyja notki i ślady ałkaholu.
U razhar Hramadzianskaj vajny ŭ ZŠA parachod «Mery Sielestyja» pieravoziŭ hruz dla vojska Kanfiederacyi, natknuŭsia na ryf i zatanuŭ praz šeść chvilin.