Polšča zbuduje sistemu SPA za 4 miljardy jeŭra
Varšava źbirajecca surjozna pieraŭzbroicca ŭ śviatle vajny va Ukrainie.
U krasaviku ministerstva abarony Polščy źbirajecca kančatkova vyrašyć, chto budzie padradčykam ŭ pabudovie sistemy supraćpavietranaj abarony «Visła», na jakuju Varšava źbirajecca vydatkavać 3,8 młrd jeŭra, paviedamlaje polskaja hazieta Rzeczpospolita.
«Honka ŭzbrajeńniaŭ ŭžo pačałasia», — piša hazieta, dadajučy, što prajekt «Visła» płanavali doŭha, ale jaho realizacyja išła vielmi pavolna. Ciapier ža praces niečakana vyrašyli paskoryć.
U tendary na zbudavańnie «Visły» ŭdzielničajuć niekalki zachodnich kampanij. U pryvatnaści, na rolu padradčyka pretenduje amierykanskaja kampanija Rayhtheonem, jakaja vyrablaje rakiety Patriot, a taksama francuzskija kampanii MBDA i Thalesem, jakija vyrablajuć rakietnyja kompleksy supraćpavietranaj abarony SAMP/T.
Amierykanski kandydat na zbudavańnie sistemy «Visła» abiacaje ŭ vypadku pieramohi na tendary pryciahnuć da pracy polskich inžynieraŭ. Jany vyvučać technałohiju rakiet Patriot i zmohuć potym vyrablać ich na polskich abaronnych pradpryjemstvach.
Akramia taho, Varšava maje zakupić bieśpiłotniki, patrulnyja i desantnyja katary, a taksama vydatkavać za 2,4 młrd jeŭra na kuplu 70 bajavych viertalotaŭ.