Łukašenka zaniepakojeny situacyjaj u lehpramie z-za niaroŭnych umoŭ pracy ŭ paraŭnańni ź IP
Alaksandr Łukašenka zaniepakojeny situacyjaj u lohkaj pramysłovaści z-za niaroŭnych umoŭ pracy ŭ paraŭnańni ź indyvidualnymi pradprymalnikami.
Pra heta siońnia kiraŭnik dziaržavy zajaviŭ, naviedvajučy handlova-zabaŭlalny centr «Ekspabieł» u Minsku.
Kiraŭnik dziaržavy pahutaryŭ ź indyvidualnymi pradprymalnikami i ŭ razmovie ź imi vykazaŭ zakłapočanaść tym, što faktyčna źnikaje lohkaja pramysłovaść z-za taho, što vyrablenaja joj pradukcyja mienš kankurentazdolnaja ŭ paraŭnańni z tavarami, jakija indyvidualnyja pradprymalniki pryvoziać z-za miažy i pradajuć u Biełarusi.