Aroł z kamieraj źlacieŭ z najvyšejšaha budynka śvietu VIDEA
Suśvietny rekord vyšyni palotu ptuški z budynka pastaviŭ aroł-mahilnik u Dubai.
Aroł-mahilnik Daršan źlacieŭ z kamieraj z 828-mietrovaj viežy Burdž-Chalifa, raspaviadaje Daily Mail.
Palot, što zaniaŭ u ptuški amal dźvie chviliny, musić źviarnuć uvahu na pahrozu źniknieńnia ptuški praz haspadarčuju dziejnaść čałavieka.
***
Aroł-mahilnik, albo ŭschodni impierski aroł, hniaździcca ŭ lesastepach Jeŭrazii i ŭ centralnym Kitai, zimuje na poŭdni Azii i ŭ Afrycy. Pačatkova žyŭ na raŭninach, ale praz kultyvacyju ziamiel byŭ vycieśnieny ŭ hory. U suśvietnaj Čyrvonaj knizie maje status «pad pahrozaj» (VU).
Burdž-Chalifa — najvyšejšy budynak u śviecie. Raźmieščany ŭ Dubai, Abjadnanyja Arabskija Emiraty. Vyšynia składaje 828 mietraŭ, budynak maje 163 pavierchi. Z 2008 hoda paśla padzieńnia Varšaŭskaj radyjomačty jość najvyšejšaj pabudovaj śvietu. U budynku raźmieščanyja hateli, ofisy i žyłyja kvatery.