Apple vydalić antyvirusy dla iOS
Kampanija ačyścić App Store ad prahram, što «škodziać reputacyi iOS».
Fota: itc.ua
Kampanija Apple pačała vydalać z anłajn-kramy prahram App Store antyvirusy, pieradaje Phone Arena.
Ab hetym paviedamiŭ raspracoŭščyk prahramy VirusBarrier. Jaho prahramu vydalili za «apisańnie, što ŭvodzić u zman», ale prahrama nie była pryniataja nazad navat sa značna bolš dakładnym apisańniem. Niekatoryja inšyja raspracoŭščyki paćvierdzili, što ich antyvirusy taksama vydalajucca.
Jak śćviardžajuć raspracoŭščyki, antyvirusy buduć atrymlivać abnaŭleńni, kali jany ŭžo ŭstalavanyja na smartfonach.
Ale zapampavać ich na telefon adzinym aficyjnym šlacham, praz AppStore, užo nie atrymajecca.
Apple, mahčyma, niezadavolenaja faktyčnaj zajavaj pra toje, što iOS 8 niedastatkova abaronienaja, robić vysnovu PhoneArena.
Napraŭdu, paviedamleńniaŭ pra praniknieńnie virusaŭ na smartfony i płanšety Apple nie było za apošni čas. Ale isnujuć škodnyja prahramy, jakija pracujuć na ŭzłamanych (jailbreak) iOS-pryładach. Taksama paviedamlałasia pra škodnyja bakovyja prahramy, jakija treba zapampoŭvać z bakovych krynic (nie AppStore) i jakija mohuć zapracavać na nieŭzłamanych smartfonach.