Rektar BDU: Arhanizacyi masava adklikajuć zajaŭki na raźmierkavańnie maładych śpiecyjalistaŭ
Arhanizacyi masava adklikajuć svaje zajaŭki na raźmierkavańnie maładych śpiecyjalistaŭ, paviedamiŭ rektar Biełaruskaha dziaržaŭnaha ŭniviersiteta Siarhiej Abłamiejka na pres-kanfierencyi ŭ Minsku 24 sakavika.
«Tradycyjna firma dasyłała ŭ VNU svaje zajaŭki na śpiecyjalistaŭ. My sprabavali źvieści pracadaŭcu i studenta, kab byli zadavolenyja i my, i vypuskniki, — raskazaŭ rektar. — Sioleta pahałoŭna pišuć, što adklikajuć zajaŭku. Heta źviazana z paharšeńniem ekanamičnaj situacyi ŭ krainie, šmatlikija pradpryjemstvy pracujuć niapoŭny pracoŭny tydzień».
Abłamiejka vykazaŭ mierkavańnie, što kolkaść zajavak ad pradpryjemstvaŭ budzie mienšaja, čym kolkaść vypusknikoŭ, jakija padlahajuć raźmierkavańniu. Biudžetniki buduć prasić raźmierkavańnie, a ŭniviersitet pavinien budzie jaho dać, «i heta budzie niaprosta». Rektar taksama paviedamiŭ, što vypuskniki płatnych adździaleńniaŭ u papiarednija hady źviartalisia z prośbaj dać im pieršaje miesca pracy.
«Nie tak prosta vypuskniku VNU znajści pracu. Chto ciabie čakaje? Kali vypuskniki buduć šukać pracu sami, znojduć nie ŭsie. Vopyt Jeŭropy taki, što pryblizna pałova vypusknikoŭ VNU nie pracuje paśla zakančeńnia ŭniviersiteta. Nie chočacca, kab u nas takoje było. Tamu raźmierkavańnie — heta nie zło, chutčej, heta dobra», — adznačyŭ Abłamiejka.
Siarod tych, chto krytykuje instytut raźmierkavańnia, bolš za ŭsio vypusknikoŭ instytuta žurnalistyki, jakija nie žadajuć jechać pracavać u rajonnyja vydańni, skazaŭ rektar. «Tym časam praviły hulni vyznačanyja z samaha pačatku. Ludzi, jakija nie žadajuć pracavać pa raźmierkavańni, mohuć vučycca na płatnym adździaleńni», — skazaŭ Abłamiejka.
Ciapier vypusknik biudžetnaha adździaleńnia dzionnaj formy navučańnia VNU adpracoŭvaje pa raźmierkavańni dva hady, a SSNU — adzin hod.
Pytańnie pra źmianieńnie zakanadaŭča zamacavanaj normy ŭ bok pavieličeńnia ci pamianšeńnia terminu adpracoŭki ŭ Minadukacyi nie abmiarkoŭvajecca. Raźmierkavańnie — heta harantyja davańnia pieršaha pracoŭnaha miesca vypuskniku, skazaŭ 4 sakavika ministr adukacyi Michaił Žuraŭkoŭ.